प्रतिनिधि सभाको नियमावली मस्यौदा बनाउन २१ सदस्यीय समिति गठन

काठमाडौं । प्रतिनिधि सभाले प्रतिनिधि सभाको नियमावली मस्यौदा बनाउन २१ सदस्यीय समिति गठन गरेको छ । समितिमा सांसदहरु अनिता देवी, अमरेशकुमार सिंह, गंगाधर चौधरी, चित्रबहादुर केसी, जीवन परियार, दिलेन्द्रप्रसाद बडू, नागिना यादव, प्रकाश ज्वाला, प्रदीप यादव, प्रेम सुवाल र महेश बर्तौला रहेका हुन् ।

त्यस्तै रमेश लेखक, लीलानाथ श्रेष्ठ, विद्या भट्टराई, शक्ति बस्नेत, सवेन्द्रनाथ शुक्ल, सीता गुरुङ, सुवासचन्द्र नेम्बाङ, सोविता गौतम, हितराज पाण्डे र ज्ञानबहादुर शाही रहेका छन् ।

प्रतिनिधि सभाको नियमावली मस्यौदा समिति गठनसम्बन्धी प्रस्ताव मंगलबार दिउँसाे बसेको प्रतिनिधि सभा बैठकले सर्वसम्मतले पारित गरेको छ । यो समितिलाई १५ दिनको समय तोकिएको र समितिको सभापति समितिले चयन गर्ने भएकाे छ ।