जसपा यादव पक्षको कार्यकारिणी समिति बैठकमा५१ मध्ये ३१ जना सदस्य उपस्थित रहेको दाबी

काठमाडौं । जनता समाजवादी पार्टीको कार्यकारिणी बैठक बिसिरहेको छ । अध्यक्ष महन्थ ठाकुर र उपेन्द्र यादवले संयुक्त रूपमा बोलाएको कार्यकारिणी समितिको बैठकमा ठाकुर पक्ष भने सहभागी छैन । 

बैठकमा सहभागी एक नेताका अनुसार बैठकमा ३१ जना सदस्यको उपस्थिति रहेको छ । जसपाको कार्यकारिणी समिति ५१ सदस्यीय रहेका छन् । गत जेठ ४ गते अध्यक्षद्वय महन्थ ठाकुर र उपेन्द्र यादवले जेठ ८ र ९ गतेका लागि कार्यकारिणी समितिको बैठक तय गरेका थिए । 

जसपा कार्यकारिणी समितिमा प्रधानमन्त्रीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेको लगायतका समसामयिक राजनीतिक घटनाक्रमबारे छलफल हुने बताइएको छ । बैठकमा राष्ट्रिय सभाका तीन सांसदमध्ये दुई जनाको उपस्थिति रहेको पनि एक नेताले बताए ।