भारत भ्रमणमा रहेका रवि लामिछानेलाई दिल्ली विमानस्थलमा भाजपा नेतृत्वद्वारा स्वागत

काठमाडौँ । रास्वपा सभापति रवि लामिछाने पाँच दिने भ्रमणका क्रममा भारत पुगेका छन्। भारत आगमनपछि नयाँदिल्लीस्थित विमानस्थलमा भारतीय जनता पार्टीका नेताहरूले उनको स्वागत गरेका छन्।

रास्वपा सभापति लामिछानेलाई अरुण सिंह र विजय चौथाइवालेले विमानस्थलमा स्वागत गरेको जनाइएको छ। उनी भारतीय जनता पार्टीको निमन्त्रणामा भारत भ्रमणमा गएका हुन्।

भ्रमण टोलीमा विपिनकुमार आचार्य, दीपक बोहोरा, निकिता पौडेल र प्रदीप आचार्य पनि सहभागी छन्।

रास्वपाका प्रवक्ता मनिष झा का अनुसार लामिछानेको भ्रमण जेठ १८ देखि २२ गतेसम्म ९जुन १-५० रहनेछ। भ्रमणका क्रममा नयाँ दिल्लीमा विभिन्न उच्चस्तरीय राजनीतिक तथा कूटनीतिक भेटवार्ता गर्ने कार्यसूची तय गरिएको छ।

यस अवधिमा उनले भारतीय जनता पार्टीका नेतृत्वसँग छलफल गर्नुका साथै भारतमा रहेका नेपाली समुदाय र पार्टीका शुभेच्छुकहरूसँग भेटघाट गर्ने कार्यक्रम रहेको जनाइएको छ। भ्रमण तालिकामा अयोध्या भ्रमण पनि समावेश गरिएको छ।