ओली समुहले पार्टी पङक्तिलाई गर्यो यस्तो आन्तरिक निर्देशन (अपानीसहित)

काठमाडौं । विभाजित भएपछि नेकपाको ओली पक्षले पहिलो पटक पार्टी पङक्तिलाई अन्तरपार्टी निर्देशन जारी गरेको छ ।

संसद विघटन चौतर्फी घेराबन्दीका कारण गर्नुपरेको, पार्टीमा देखा परेको संकट पछि ब्यापक मात्रामा संगठन विस्तारमा लाग्नु परेको, सरकार पार्टीको मातहातमात्र नचल्ने र कतिपय अवस्थामा स्वायक्त पनि हुने भएको जस्ता तर्क दिदै प्रधानमन्त्री ओलीले २२ पुसमा पार्टी पङक्तिलाई आन्तरिक सर्कुलर जारी गरेका हुन् ।

प्रदेश सरकार सक्दा सम्म अन्य शक्तिहरुसँग सहकार्य, समन्वय गरेर जोगाउने सम्मको योजना बुन्दै ओलीले अन्तरपार्टी निर्देशन जारी गरेका हुन् । ओली समुहले पार्टीभित्र नेता कार्यकर्ता प्रचण्ड नेपाल समुहमा जानबाट रोक्न १५०१ सदस्यीय केन्द्रीय समिति बनाउने, मातहतका कमिटिलाई पनि ५० प्रतिशत सम्म मनोनित गर्न निर्देशन दिने सम्मका सर्कुलर गरिएको छ ।

पार्टीको मौजुदा केन्द्रीय समितिमा ओली निक्कै अल्पमतमा परेपछि प्रचण्ड नेपाल पक्षको बहुमत खेमामा नेता कार्यकर्तालाई जानबाट रोक्नका लागि ओलीले पद बाँडरै रोक्ने रणनीति बनाएका हुन् ।

हेर्नुहोस : ओलीले पठाएको आन्तरिक सर्कुलर 
 

https://www.safalkhabar.com/uploads/media/UrgenT/Apani-6-Final.pdf