काठमाडौं । तीस महिना अगाडी समाजबाद सम्म पुग्ने लक्ष्यका साथ दुई ठूला कम्युनिष्ट पार्टी बीच एकता पछि बनेको नेपाल कम्युनिष्ट पार्टी (नेकपा) विभाजनको मुखमा पुगेको छ । पार्टीका दुई अध्यक्ष प्रधानमन्त्री समेत रहेका केपी ओली र अर्का अध्यक्ष प्रचण्डले समानान्तर रुपमा पार्टी केन्द्रीय समिति बैठक बोलाएपछि नेकपा विभाजित हुन लागेको हो ।
ओलीले अहिले बिहान बालुवाटारमा आफु पक्षका केन्द्रीय सदस्यहरुको बैठक बोलाएका छन् । प्रचण्ड, वरिष्ठ नेता माधव नेला, झलनाथ खनाल सहितका बहुमत केन्द्रीय सदस्यको बैठक बबरमहलको कार्की ब्याङकेटमा बस्दैछ । दुवै पक्षका समानान्तर केन्द्रीय समिति बैठकबाट एक अर्काे पक्षलाई कारवाही गर्ने तयारीमा जुटेका छन् । प्रचण्ड नेपाल पक्ष प्रधानमन्त्री ओलीले पार्टी स्थायी कमिटि बैठक चलिरहेका बेला पार्टीलाई जानकारी विनै संसद नै विघटन जस्तो प्रतिगामी बाटोमा लागेका कारण उनलाई कारवाहीको तयारीमा छ ।
दाहाल पक्षसँग झण्डै २०४, नेपाल पक्षसँग १०३ र ओलीसँग १३० आसपासका नेताहरु छन् । यसरी हिसाव गर्दा ओलीसँग झण्डै ३० प्रतिशत मात्र केन्द्रीय सदस्यहरु रहने देखिएको छ । ७० प्रतिशत नेताहरु अर्काे पक्षसँग हुनेछन् । यसो गर्दा प्रचण्ड नेपाल समुहले बोलाएको केन्द्रीय समिति र त्यसले गरेको निर्णय वैध हुने देखिन्छ ।
पुस ५ गते बसेको स्थायी समिति बैठकले ओलीलाई अनुशासनको कारवाहीको प्रस्ताव केन्द्रीय समितिमा लैजाने निर्णय गरेको थियो । त्यही प्रस्ताव आजको केन्द्रीय समितिमा लैजादैंछ । ओली पक्षले पनि राष्ट्रपतिकँहा समावेदन बोकर आफुलाई जानकारी नदिई सांसदहरु गएकोले त्यसमा जाने नेताहरुलाई कारवाही गर्ने तयारी गरेको छ । दुवै पक्षले एक अर्काेलाई कारवाही गरेपछि नेकपा औपचारिक रुपमा आजबाट विभाजन हुनेछ ।
केन्द्रीय समिति देखि संसदमा समेत ओली अल्पमतमा छन् । बहुमत पक्षले गरेको निर्णयका आधारमा पार्टीको वैधानिकता हुने देखिएको छ । नेकपाभित्रको त्रिपक्षिय शक्ति सन्तुलनमा दाहाल र नेपाल समुह एकातिर मिल्दा यो समुहसँग केन्द्रीय समिति देखि संसदीय दल सम्ममा बहुमत देखिएको छ । उता दुई पक्ष एकातिर मिल्दा प्रधानमन्त्री केपी ओली पक्ष भने केन्द्रीय समिति देखि संसदीय दल सम्ममा अल्पमतमा देखिएको छ । नेकपामा केन्द्रीय समिति ४४१ सदस्यीय छ ।
जसमध्ये दाहाल पक्षसँग झण्डै २०४, नेपाल पक्षसँग १०३ र ओलीसँग १३० आसपासका नेताहरु छन् । यसरी हिसाव गर्दा ओलीसँग झण्डै ३० प्रतिशत मात्र केन्द्रीय सदस्यहरु रहने देखिएको छ । ७० प्रतिशत नेताहरु अर्काे पक्षसँग हुनेछन् । यसो गर्दा प्रचण्ड नेपाल समुहले बोलाएको केन्द्रीय समिति र त्यसले गरेको निर्णय वैध हुने देखिन्छ ।
ओलीले आजको बैठकमा उपस्थित हुने नेताहरुको टाउको गनेर सरकारमा रहेका कारण सत्ताको अधिकार प्रयोग गरेर दल विभाजन सम्बन्धी अध्यादेश ल्याउने सम्भावना बढेको छ । आफ्नो दल बनाउन पनि ओलीले त्यसो गर्नुपर्ने अवस्था छ । त्यसका लागि उनले अध्यादेशको भित्री तयारी पूरा गरिसकेका उनी निकट नेताहरुको भनाई छ । आजको दुवै पक्षका बैठक पछि नेकपा संग्लो नहुने प्रष्ट देखिएको छ । सबै केन्द्रीय सदस्यहरु काठमाडौं आईपुगि सकेका छन् ।
प्रतिक्रिया दिनुहोस
सफल खबर संवाददाता
मंगलबार, ०७ पुस २०७७, ०८ : ४१
लेखकबाट थप
सम्बन्धित समाचारहरु
बालुवाटारमा प्रचण्ड, देउवा र ओलीबीच भेटवार्ता
गठबन्धन परिवर्तन हामी दुई भाइले गरेका हौँ : ओली
गठबन्धन परिवर्तन हामी दुई भाइले गरेका हौँ : ओली
माधव नेपाललाई भेट्न ‘प्रचण्ड’ र ओली कोटेश्वरमा
एमाले सांसदलाई ओलीको निर्देशन- संसदमा गलत बोल्नेको विरोध गर्नू
संसद्को अगाडिको सिटमा बस्ने पार्टीका सांसदहरूलाई आफ्नो दायित्व पूरा गर्न ओलीको निर्देशन