‘हामी मध्ये कसैलाई लाग्न सक्छ कि हामी सुरक्षित छौं, तर त्यस्तो छैन, सबै खतरामा छौं’

काठमाडौं । प्रधानमन्त्री केपी शर्मा ओलीले कोभिड भाइरसका कारण सबै खतरामा रहेको बताएका छन् । कसैले पनि आफु सुरक्षित रहेको ठान्न नहुने भन्दै ओलीले संसारै सानो डुंगा रहको र सबै त्यसका यात्रु रहेको बताउँदै कोही पनि सुरक्षित नरहेको बताएका हुन ।

कोभिड १९ सम्बन्धी संयुक्त राष्ट्र संघको विशेष महासभालाई सम्बोधन गर्दै प्रधानमन्त्रीले त्यस्तो बताएका हुन् । प्रधानमन्त्री ओलीको सम्बोधनको भिडियो रेकर्ड गरेर राष्ट्र संघ पु¥याइएको थियो । जँहा ओलीले त्यस्तो सम्बोधन गरेका हुन् ।

‘हामी सबै समान अग्निप्रलयमा छौं । हामी मध्ये कसैलाई लाग्न सक्छ कि हामी सुरक्षित छौं । तर त्यस्तो छैन । सबै खतरामा छन्,’ प्रधानमन्त्रीले भनेका छन्, –महामारीले अमूल्य पाठ सिकाएको छ । यो संसार सानो डुंगा जस्तै हो र हामी सबैजना त्यसका यात्रु । हामीले मन पराएपनि नपराएपनि हामी सबैको भाग्य एउटै साझा हो ।’ 

ओलीले सम्पूर्ण मानव समुदाय नै संकटमा रहेको समयमा जीवन रक्षाका खोपहरु अधिकतम नाफाको माध्यम बनाउन नहुने पनि बताए । प्रधानमन्त्री भने, ‘कोभिड–१९ सम्बन्धी खोपहरु वास्तविक रुपमा नै विश्वव्यापी सार्वजनिक वस्तु हुनुपर्छ जसमा सबै मुलुक र जनताको लागि सहज पहुँच र उपलब्धता हुनुपर्छ ।’ प्रधानमन्त्रीले विश्वव्यापी रुपमा नै खोप उपलब्ध नभएसम्म विश्व महामारीबाट सुरक्षित नहुने बताए । अहिले विश्वमा सबैको पहुँचमा भ्याक्सिन पु¥याउन कोभाक्सले गरिरहेको पहलको पनि प्रधानमन्त्री ओलीले स्वागत गरे । 

नेपालमा कोभिडका सन्र्दभमा सरकारले गरिरहेको प्रयासको पनि ओलीले सम्बोधनमार्फत जानकारी गराएका थिए । गरिबहरुलाई कोरोना परीक्षण र उपचार निःशुल्क गरिएको तथा संघीय, प्रान्तीय, र स्थानीय स्तरमा स्वास्थ्य प्रणालीको लागि आवश्यक पूर्वाधार, मानव र वित्तीय स्रोतहरू र चिकित्सा उपकरणहरू सुनिश्चित गरिएको ओलीले बताएका छन् ।

झण्डै शुन्यबाट सुरु गरेर अहिले देशभरका ६८ वटा ल्याबमा पीसीआर परीक्षण सुबिधा विस्तार गरेको उनले बताए । ७० भन्दा धेरै अस्पताललाई कोभिड १९ अस्पताल तोकिएको पनि प्रधानमन्त्रीको सम्बोधनमा ब्यक्त थियो । सबै ७५३ स्थानीय स्तरमा आधारभूत स्वास्थ्य सुविधा सहितका अस्पताल निर्माणको दिशामा अगाडि बढेको ओलीले बताए ।

महामारीलाई अन्तर्राष्ट्रिय प्रतिबद्धता र एकताबाट पछाडि हट्ने बहाना बनाइन नहुने उनले बताए । विशेष परिस्थितिमा रहेका देशहरूलाई आफ्नो अर्थव्यवस्था स्थिर राख्न र ऋण संकटलाई समाधान गर्न अझ बढी सहयोगको खाँचो पर्ने ओलीले बताए ।