अविरल वर्षाले गैडाकोटमा ५ सय घर डुबान

सफल खबर संवाददाता

आइतबार, २८ असार २०७७, ०७ : ५७
अविरल वर्षाले गैडाकोटमा ५ सय घर डुबान

नारायण शर्मा

नवलपरासी । ३ दिनसम्म परेको अविरल वर्षाले गैडाकोट नगरपालिकाका तिनवटा वडा डुबानमा परेका छन । गैडाकोट नगरपालिका वडा नम्बर १, २ र ४ का अधिकांस घर डुबेको हो । अधिकांश स्थानमा २ मिटर सम्म डुबेको छ । त्यसक्षेत्रमा आकाशबाट परेको पानीले निकास नपाउदा ४ सय ९३ घर डुबानमा परेका छन ।  

त्यस क्षेत्रमा लगाइएको धान र मकैवाली पनि डुबेको छ । वडा नम्बर ४ का वडा अध्यक्ष कृष्ण न्यौपानेले बाढिले निकास नपाउदा करिब ५ सय घर डुबानमा परेको जानकारी दिए । उनले आइतवार बिहान डोजर लगाएर पानीको निकास निर्माणको काम थालेको जानकारी दिए ।

५ सय घर दुई मिटर भन्दा बढी डुबेको छ । स्थानियका खाद्यान्न, लुगाफाटो भिजेको छ । स्थानिय बासिन्दा एकदेब रिमालले कालीगण्डकी चोक देखि उत्तर तर्फका घरहरु बढि डुबानमा परेको र स्थानियहरु घरको माथिल्लो तलामा सरेका छन् । प्लटिंग गरेका घर घडेरीमा पानीका लागि नाला नबनाइएको र समथर भूभाग भएका कारण बाढिले निकास नपाउदा समस्या देखिएको हो । 
 

प्रतिक्रिया दिनुहोस