नेपाल लगातार दोस्रो पटक ओमानसँग पराजित

काठमाडौँ । आइसीसी विश्वकप क्रिकेट लिग दुईअन्तर्गत नेपाल लगातार दोस्रो पटक ओमानसँग पराजित भएको छ ।

कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको नेपालले निर्धारित ५० ओभरमा आठ विकेट गुमाएर २४९ रनको योगफल बनाएको थियो । ब्याटिङ राम्रो भएपनि बलिङमा राम्रो गर्न नसक्दा नेपाल पराजित भयो । नेपालले प्रस्तुत गरेको २ सय ५० रनको लक्ष्य ओमानले ४७.२ ओभरमा २ विकेट गुमाउँदै पुरा गर्यो ।  नेपालका लागि कुशल मल्ल र सुशन भारीले मात्र १/१ विकेट लिए ।

नेपाल पहिलो खेलमा पनि ओमानसँग १८ रनले पराजित भएको थियो । यो जितसँगै ओमान ९ खेलमा ७ मा जित र २ मा हार सहित १४ अंक जोड्दै शीर्ष स्थानमा उक्लिएको छ ।