जेनजी आन्दोलनपछिको प्रतिनिधि सभा निर्वाचन आज

काठमाडौँ । भदौ २३ र २४ को जेनजी आन्दोलनपछिको  प्रतिनिधि सभा निर्वाचन बिहीबार देशभर एकैसाथ हुन लागेको छ । 

निर्वाचनका लागि बिहान ७ बजेदेखि अपराह्न ५ बजेसम्म मतदान हुने निर्वाचन आयोगले जनाएको छ ।  निर्वाचनमा  प्रत्यक्षतर्फ तीन हजार १७ पुरुष, ३८८ महिला र एक अन्य गरी तीन हजार ४०६ उम्मेदवार चुनावी प्रतिस्पर्धामा छन् ।

यस्तै, समानुपातिक निर्वाचन प्रणालीतर्फ एक हजार ३६३ पुरुष र एक हजार ७७२ महिला गरी तीन हजार १३५ उम्मेदवार प्रतिस्पर्धामा छन् । 

निर्वाचनमा ९६ लाख ६३ हजार ३५८ पुरुष, ९२ लाख ४० हजार १३१ महिला र २०० अन्य गरी एक करोड ८९ लाख तीन हजार ६८९ मतदाता छन् ।