नेपालले ओमानलाई दियो २५० रनको लक्ष्य

आइतबार, २६ माघ २०७६, १३ : २६
नेपालले ओमानलाई दियो २५० रनको लक्ष्य

काठमाडौँ । आइसीसी विश्वकप क्रिकेट लिग दुईअन्तर्गत नेपालले ओमानलाई २५० रनको लक्ष्य दिएको छ ।

कीर्तिपुरस्थित त्रिवि क्रिकेट मैदानमा ओमानले टस जितेर फिल्डिङ रोजेपछि नेपालले पहिला ब्याटिङ गरेको हो ।

नेपालले कप्तान ज्ञानेन्द्र मल्लको अर्धशतकको मदतमा निर्धारित ५० ओभरमा ८ विकेट गुमाएर २४९ रन बनाएको हो । 
मल्लले ७६ बल खेल्दै ६ चौका र १ छक्काको सहयोगमा ५६ रन बनाए । उनी अकिव अलीको बलमा क्याच आउट भए । 

यसअघि नेपालका लागि ओपनरमा आएका सुवास खकुरेल आउट भए । खकुलेरले २२ रन बनाएर आउट भए । सुवास मोहमद नदिमको बलमा एलबीडब्लु आउट भएका हुन् । त्यस्तै नेपालले एउटै ओभरमा दुई विकेट गुमाएको थियो । २४ ओभरको पहिलो बलमा पारस खड्काको रुपमा आफ्नो विकेट दोस्रो विकेट गुमाएको नेपालले ओभरको चौथो बलमा नेपालले दिपेन्द्रलाई तेस्रो विकेटको रुपमा गुमाएको थियो ।

पारस ३८ रन बनाएर आउट भएका हुन् । उनलाई मोहमद नदिमले क्याच आउट गराएका हुन् । दिपेन्द्र भने रन नबनाएर आउट भए । उनलाई पनि नदिमले क्याच आउट गराएका हुन् । त्यस्तै नेपालले आफ्नो पहिलो विकेटको रुपमा रुपमा सुवास खकुरेललाई गुमाएको थियो । ओपनरमा आएका सुवास खकुरेल २२ रनमा आउट भए । सुवास मोहमद नदिमको बलमा एलबीडब्लु आउट भएका हुन् । नेपालले आफ्नो पाँचौ विकेटको रुपमा कुशल मल्ललाई गुमायो । कुशल २८ रनको योगदान गरेर आउट भए । उनी अकिव इलियासको बलमा क्याच आउट भएका थिए ।

नेपालले आरिफ शेखको रुपमा आफ्नो छैटौं विकेट गुमाएको थियो । २८ रन बनाएका उनी आकिव इलियासको बलमा एलबीडब्लु आउट भएका थिए । नेपालका करण केसी सातौं विकेटको रुपमा आउट भए । उनले नेपालका लागि १० रनको योगदान गरे । उनी अकिव लियासको बलमा क्याच आउट भएका थिए ।

नेपालले ४९ औँ ओभरमा नेपालले आफ्नो आठौं विकेट गुमायो । नेपालका लागि विनोद भण्डारीले ३५ रनको योगदान गर्दै रन आउट भए । नेपालका लागि सन्दीप लामिछानेले नट आउट १० रन बनाउँदा कमसिंह ऐरीले ९ रन बनाए । 

ओमानका अलराउन्डर अकीब इलियासले १० ओभरमा ३६ रन खर्चेर ४ विकेट लिए । मध्य गतिका बलर मोहम्मद नदीमले ८ ओभरमा १ मेडन सहित ४४ रन खर्चेर ३ विकेट लिए । ओमानले नेपालविरुद्ध ७ बलर प्रयोग गरेको थियो ।

नेपालले ओडीआई बनाएको यो दोस्रो उच्च योगफल हो । यसअघि यूएईविरुद्ध तेस्रो खेलमा नेपालले २ सय ५५ रनको लक्ष्य पुरा गर्दै ऐतिहासिक ओडीआई सिरिज जितेको थिथो ।


 

प्रतिक्रिया दिनुहोस