रास्वपा सरकारमा जान तयार

काठमाडौँ । राष्ट्रिय स्वतन्त्र पार्टी (रास्वपा) प्रचण्ड नेतृत्वको सरकारमा जान तयार देखिएको छ । सरकारमा रास्वपाको सहभागिताबारे प्रधानमन्त्री प्रचण्डले  आवश्यकता महसुस गरेको भन्दै पार्टीको उपसभापति डोलप्रसाद अर्यालले रास्वपा सरकारमा जानु समयको माग भएको बताए । 

उनले पार्टी सरकारमा जाने परिस्थिति बनेमा आफ्नो पार्टीले गृह मन्त्रालय पाउनुपर्ने बताए । ‘सरकारमा जान हतारभन्दा पनि यो समयको माग हो । सरकार निर्माणमा हाम्रो आवश्यकता प्रधानमन्त्रीले महसुस गर्नुभएको हुनाले त्यसमा हामी सकारात्मक छौँ’, उनले भने। सरकारमा जानु नै गलत हो भनेर भाष्य निर्माण गर्नु आफैँमा गलत भएको उनको भनाइ छ ।

संविधानले वाचा गरेका कुरालाई कार्यान्वयन गर्न आफू राजनीतिमा आएको उल्लेख गर्दै उनले रास्वपामाथि अहिल्यै शङ्का गर्नुपर्ने समय नआएको बताए ।