जनकपुर । प्रदेश २ ले आफ्नो नाम टुंगो लगाएको छ । प्रदेशसभाको आज बसेको बैठकले ‘मधेश प्रदेश’ नामसम्बन्धी प्रस्तावलाई दुई तिहाइ बहुमतबाट पारित गरेको हो । प्रदेशको नाम टुंगो लगाउन प्रदेशसभाको बैठकमा मतदान भएको थियो ।
प्रदेशसभाको सबैभन्दा ठूलो दल जनता समाजवादी पार्टी ९जसपा०, माओवादी केन्द्र र लोकतान्त्रिक समाजवादी पार्टी ९लोसपा०ले प्रस्ताव गरेको मधेश प्रदेशको पक्षमा दुई तिहाइ मत परेपछि सोही नाम पारित भएको हो । १०४ सदस्यीय प्रदेशसभामा सोमबार भएको मतदानमा ९९ जना प्रदेशसभा सदस्यले मतदानमा भाग लिएका थिए । जसमध्ये ८० सदस्यले मधेश प्रदेशको प्रस्तावको पक्षमा मतदान गरेका हुन् ।
प्रदेशको नाम र स्थायी राजधानी प्रदेशसभाको दुई तिहाई बहुमतले पारित गर्नुपर्ने संवैधानिक व्यवस्था छ । तर,मधेस प्रदेशको प्रस्तावको पक्षमा रहेका जसपा,माओवादी केन्द्र र लोसपासँग दुई तिहाइ थिएन । जसपाको ३९, माओवादीका ८ र लोसपाको १६ गरी ६३ जना प्रदेशसभा सदस्यले मात्रै प्रस्तावको पक्षमा मतदान गर्दा नाम पारित हुने अवस्था थिएन ।
कांग्रेस,एमाले र एकीकृत समाजवादी मधेस प्रदेश नाम राख्ने पक्षमा थिएनन् । कांग्रेसले ‘मिथिला भोजपुरा’ नाम प्रस्ताव गरेको थियो भने शुरुमा ‘जनक’ नाम प्रस्ताव गरेको एमालेले पछि एकीकृत समाजवादीको ‘जानकी’ प्रस्तावलाई समर्थन गरेको थियो ।
तर,आजको मतदानमा मधेश नामको विपक्षमा रहेका ती दलका १७ सांसदले मतदान गरेपछि प्रस्ताव पारित भएको हो । गोप्य मतदान भएकाले कुन कुन दलका कुन सांसदले फ्लोर क्रस गरे भन्ने खुलेको छैन ।
प्रतिक्रिया दिनुहोस
सफल खबर संवाददाता
सोमबार, ०३ माघ २०७८, १९ : ३६
लेखकबाट थप
सम्बन्धित समाचारहरु
मधेस स्वास्थ्य विज्ञान प्रतिष्ठानको उपकुलपतिमा डा.साह नियुक्त
मधेसवादी दलको द्वन्द्वले सत्ता गठबन्धनलाई धक्का
रास्वपाले स्थगित गर्यो मधेसमा गर्न लागेको बैठक
मधेसका सीमा स्तम्भको पुनःनिर्माण
मधेस प्रदेशले ल्यायो ४४ अर्ब ११ करोड ४६ लाखको बजेट (पूर्णपाठसहित)
बजेट ल्याउने अन्तिम तयारीमा मधेस प्रदेश