मधेसी दलहरुको एकता समझदारी, तर अझै टुंग्गिएन पार्टी नाम, चुनाव चिन्ह्र र नेतृत्व

काठमाडौं । विगतको मधेस आन्दोलनलाई मुख्य जग बनाएर फेरि मधेस केन्द्रीत दलहरुले एकता समझदारी गरेका छन् । जेनजी विद्रोहपछि राजनीतिक दलहरुका बीचमा आईरहेको उथलपुथल मधेस केन्द्रीत दलमा पनि देखिएको छ । विगतमा सरकारमा को पुग्ने, नपुग्ने झिनामसिना मुद्दामा मधेसी दलहरु छिन्नभिन्न हुँदै आएका थिए ।

तर, राष्ट्रिय स्वतन्त्र पार्टी (रास्वपा)ले  काठमाडौंका मेयर बालेन शाहलाई पार्टीमा भित्राएको सहमति सार्वजनिक भएकै दिन मधेसका दुई पार्टी उपेन्द्र यादवको जनता समाजवादी पार्टी र महन्थ ठाकुर नेतृत्वको तराई मधेस लोकतात्रिक पार्टी (तमलोपा)का बीचमा एकता समझदारी घोषणा भएको थियो । काठमाडैंमा बालेन रवि मिल्दै गर्दा मधेसी जनतामा पनि उत्साह दिने भन्दै महन्थ र उपेन्द्र यादवका बीचमा पार्टी एकता घोषणा भएको थियो । 

यो घोषणापछि यी दुई मधेस केन्द्रीत दलमा फेरि अन्य दुई घटकले एकतामा आउने समझदारी बनाए । जसमा थिए रेणु यादव, प्रदीप यादवसहितका अशोक राईको पार्टी छोडेर आएका नेताहरुको समुह र अर्काे हद्देयश त्रिपाठी नेतृत्वको जनता प्रगतिशिल पार्टी । तर चार पार्टी-समुहले एकता घोषणा गरेको एक साता लामो समय भईसक्दाप नि एकीकृत पार्टीको नाम के हुने ? विधान कस्तो हुने, चुनाव चिन्ह्र केलाई मान्ने र एकीकृत पार्टीको नेतृत्व कसलाई मान्ने र अरु नेताहरुको ब्यवस्थापन के हुने ? भन्ने जस्ता विषयमा नेताहरु अलमलमा छन् । 

यधपी, उनीहरुले प्रतिनिधिसभाको समानुपातिक तर्फको सूची भने सामुहिक बुझाईसकेका छन् । एकीकृत पार्टीको नाम, नेतृत्व र चुनाव चिन्हलाई नै अन्तिम रूप दिन नसकेपछि अन्य विषय त झन् परको विषय भएको नेताहरुको भनाई छ । केही नेताहरुले एकता समझदारी बनाएर मात्र नहुने भन्दै तत्काल टुग्याउनु पर्ने विषय पार्टी नाम, नेतृत्व , चुनाव चिन्ह्र जस्ता विषयमा काम गर्न नेताहरुलाई दवाव बढाउन थालेका छन् । 

एकता समझदारी मात्र बनाउने तर एकताको मुलभूत पक्षमा टुंगो नलाग्दा पार्टी झन् समस्यामा पर्ने भन्दै नेताहरुलाई दवाव बढेको छ । ‘फराकिलो सम्झौताले मात्र पुग्दैन, टुग्याउनुपर्ने विषय तत्काल टुग्याउन नेताहरुमाथी प्रेसर छ,’ जनता समाजवादी पार्टीमा रहेका एक नेताले सफलखबरसँग भने । 

सत्ता स्वार्थमा यी दलका नेताहरु पटक पटक जुट्ने र फुट्ने गदैं आईरहेकोले अहिले पनि बैकल्पिक शक्तिहरुका बीचमा देखिएको एकता, पूराना पार्टीहरुमा पनि भईरहेको नयाँ नयाँ धुव्रिकरण लगायतले मधेस केन्द्रीत दलका नेताहरुलाई पनि एक ठाँउमा ल्याउने वातावरण बनाईदिएको हो । यधपी, उनीहरुका आ आफना स्वार्थका कारण अझैपनि दिगो एकता हुनेमा आशंका कायमै छ ।

जनता समाजवादी पार्टीका प्रवक्ता मनीष सुमनले अझै पनि एकीकृत पार्टीको नाम र पार्टी नेताहरूको प्रमुख जिम्मेवारी बाँडफाँडको बारेमा छलफल भईरहेको र विधानको काम टुग्गो लाग्ने वित्तिकै एकता प्रक्रियालाई अन्तिम रुप दिने तयारी भईरहेको बताए । 

जनता प्रगतिशील पार्टीका अध्यक्ष हृदयेश तिरपाठीले पनि चार मधेसी दलहरू बीच एकीकरण भइसकेको बताए । केही प्राविधिक विषय टुग्गो लगाउन मात्र बाँकी रहेको उनको भनाई छ ।