भारतमा घट्दै कोरोना संक्रमित, मृत्युदर पनि घट्दो

सफल खबर संवाददाता

सोमबार, १७ जेठ २०७८, ०८ : ३३
भारतमा घट्दै कोरोना संक्रमित, मृत्युदर पनि घट्दो

एजेन्सी । भारतमा भयावह रुपमा फैलिएको कोरोनाभाइरसको दोस्रो लहर केही दिन यता घट्दै गएको देखिएको छ। संक्रमण घटेपनि मृत्यु दर घट्न सकेको थिएन तर दुई,तिन दिन यता मृत्युदर पनि घट्दै गएको छ । 

भारतीय संचारमाध्यमहरुका अनुसार अनुसार गएको साता भारतमा विगत १२ सातामै कम संक्रमितले ज्यान गुमाएका छन्। मे २४ देखि ३० सम्म भारतभर २४ हजार ३ सय ७२ संक्रमितले ज्यान गुमाएका छन्। यो संख्या अघिल्लो साताभन्दा झन्डै पाँच हजार कम हो। मार्चको पहिलो सातादेखि बढ्न थालेको भारतको मृत्युदर त्यसयता लगातार बढेको बढ्यै थियो ।

पछिल्लो समय दैनिक संक्रमण घटे पनि भारतमा मृत्युदर भने ४ हजारको आसपासमा रहिरहेको थियो । आइतबार भने भारतमा दैनिक संक्रमितसँगै ज्यान गुमाउनेको संख्या पनि निकै तल झरेको छ। भारतभर आइतबार १ लाख ५३ हजार संक्रमित थपिएका छन्। बितेका ५० दिनमा आइतबार सबैभन्दा कम संक्रमित थपिएका हुन्।

त्यस्तै आइतबार ज्यान गुमाउने संक्रमितको संख्या २ हजार ७ सय २२ छ। यो अप्रिल २७ यताकै सबैभन्दा कम संख्या हो। भारतका यि राज्यहरुमा सिक्किम, मणिपुर, अरूणाञ्चल, मिजोरम लगायतका स्थानमा भने कोरोना संक्रमित बढेका छन्।

प्रतिक्रिया दिनुहोस