ओलीको ठाडो निर्देशनलाई प्रचण्डको काउन्टर, बढ्यो नेकपामा थप विवाद

सफल खबर संवाददाता

शुक्रबार, ०७ कार्तिक २०७७, २१ : १८
ओलीको ठाडो निर्देशनलाई प्रचण्डको काउन्टर, बढ्यो नेकपामा थप विवाद

काठमाडौँ । प्रधानमन्त्री केपी शर्मा ओलीले कर्णाली प्रदेशको विवाद मिलाउन भन्दै मुख्यमन्त्री महेन्द्र बहादुर शाहीलाई एकल हस्ताक्षरको पत्राचार गरेपछि अर्का अध्यक्ष प्रचण्डले पनि छुट्टै निर्देशन दिएका छन् । 

ओलीले ५ गते शाहीलाई दिएको निर्देनमा भनिएको छ, अनुशासित तबरले प्रमुख सचेतकको जिम्मेवारी सम्हालिरहनु भएको र मुख्यमन्त्रीविरुद्धको अविश्वासको प्रस्तावमा हस्ताक्षर गर्न असहमत रहनुभएका नेकपाका प्रदेशसभा दल कर्णालीका प्रमुख सचेतक गुलाबजंग शाहमाथि तपाईँले गरेको कारबाही फिर्ता लिन र उहाँलाई पूर्ववत प्रमुख सचेतकको जिम्मेवारीमा स्थापित गर्न निर्देशित गर्दछु ।’

Yeti Diistillery Tansen Cement box

ओलीले एकपक्षीय रुपमा यसरी निर्देशन दिएपछि प्रचण्डले पनि पार्टी प्रदेश इन्चार्ज जनार्दशन शर्मालाई शुक्रबार पत्र लेख्दै प्रदेशसभा सदस्यहरुको भावना र मर्मअनुसार कार्यान्वयन गर्न निर्देशन दिएका छन् । 

प्रचण्डको पत्रमा दुई अध्यक्षबीच कात्तिक ४ गते भएको छलफलअनुसार अविश्वासको प्रस्ताव फिर्ता लिने र प्रमुख सचेतकसम्बन्धी विषय पनि प्रदेश पार्टी कमिटी र प्रदेश सरकारले नै समाधान गर्न सुझाव दिने सहमति भएको उल्लेख छ । 

पार्टीभित्र दुई अध्यक्षात्मक व्यवस्था हुँदाहुँदै ओलीले एकल हस्ताक्षर गरेर कर्णालीमा पत्राचार गरेको विषयमा नेताहरुले नै ओली–प्रचण्डबीचको सम्बन्धमा थप चिसोपना आएको रुपमा विश्लेषण गरेका छन् ।

प्रतिक्रिया दिनुहोस