कोरोना संक्रमित नेकपा सचेतक चौधरी आईसीयूमा भर्ना

काठमाडौं । सत्तारुढ दल नेकपाकी सचेतक शान्ता चौधरीलाई कोरोना भाइरसको संक्रमण भएसंगै उपचारका लागि आईसीयूमा सारिएको छ ।

चौधरीलाई शुक्रबार राति आईसीयूमा सारिएको हो । वीर अस्पतालमा उपचाररत चौधरीलाई श्वासप्रश्वासमा समस्या भएपछि आईसीयूमा सारिएको छ । श्वासप्रश्वासमा कठिनाइ भएको उनले तीन दिनअघि नै सामाजिक सञ्जालमार्फत् जानकारी गराएकी थिइन् । 

‘स्वास प्रश्वासमा अलि कठिनाई भइरहेको र फोनमा बोल्दा सास फेर्न थप कष्ट हुने र अक्सिजनको मात्रासमेत कम भएको महसूस हुन्छ,’ उनले अस्पतालबाटै तीन दिन अघि लेखेको फेसबुक स्ट्याटसमा उल्लेख छ । पाँच दिनअघि उनलाई लक्षण सहितको संक्रमण पुष्टि भएको थियो।