नेकपा बैठक किन सारियो चार घण्टा पछि ?

सफल खबर संवाददाता

विहीबार, १८ भदौ २०७७, १० : ०३
नेकपा बैठक किन सारियो चार घण्टा पछि ?

काठमाडौं । सत्तारुढ दल नेकपाको आज (बिहिबार) बस्ने सचिवालय बैठक पार्टीभित्र र बाहिरबाट निक्कै चासोपूर्वक हेरिरहेका छन् । बैठक यसकारण पनि अर्थपूर्ण र चासो पूर्वक हेरिएको छ की, नेकपाले रिक्त राष्ट्रिय सभाको एक पदमा उपाध्यक्ष वामदेव गौतमलाई लैजान्छ की अहिलेकै अर्थमन्त्री डा. युवराज खतिवडालाई । 

प्रधानमन्त्री ओली खतिवडालाई नै दोहो¥याएर लैजान चाहन्छन् । तर पार्टी सचिवालयका बहुमत हिस्सा उपाध्यक्ष गौतमलाई लैजाने गत फागुन १४ को निर्णय कार्यान्वयन गर्नुपर्ने पक्षमा देखिएका छन् । तर खतिवडाले बाजी मार्लान् की गौतमले ? चासो सबैतिर छ । पार्टीका सबै नेतालाई चक्मा दिदै अहिलेसम्म आफ्नो अडानमा कायम रहेका ओली फेरि अडानमै रहलान् या पार्टीका बहुमत हिस्साको निर्णय कार्यान्वयन गरेर जालान् ? चासो यसमा बढेको हो । 

ओलीले खतिवडालाई दोहा¥याउन अध्यक्ष प्रचण्ड देखि स्यवं दाबेदारी गरिरहेका उपाध्यक्ष गौतमसम्मलाई बोलाएर पनि फकाउन खोजेका थिए । तर ओलीको इच्छामा कसैले पनि सहमति नजनाईदिएपछि उनी निक्कै अप्ठयारोमा परेका छन् । अझै पनि उनले आफ्ना लागि के विकल्प हुन सक्छ भन्ने गृहकार्यका लागि केही समय बैठक सार्ने प्रस्ताव अध्यक्ष प्रचण्डसँग राखेका थिए । सोही आधारमा बैठक चार घण्टा ढिलो हुने गरी दिउँसो ३ बजेका लागि सारिएको छ ।  

सचिवालयका एक सदस्एयले सफलखबरलाई बताए अनुसार, अध्यक्षद्दयको गृहकार्य नपुगेको भन्दै ११ बजेका लागि बोलाइएको बैठक दिउँसो ३ बजेका लागि सारिएको छ । सचिवालयमा खतिवडाको पक्षमा प्रधानमन्त्री र इश्वर पोखरेल बाहेक अन्य ७ नेता छैनन् । प्रचण्ड, माधव नेपाल, झलनाथ खनाल, नारायणकाजी श्रेष्ठ लगायतका नेताहरु उपाध्यक्ष गौतम पार्टी बैठक सम्म आफ्नै अडानमा टिक्न सके गौतमलाई नै साथ दिएर जाने पक्षमा देखिएका छन् । महासचिव विष्णु पौडेल र गृहमन्त्री समेत रहेका रामबहादुर थापा पनि गत फागुनको निर्णय कार्यान्वयन गर्नुपर्ने, गौतम पार्टीका सिनियर नेता पनि रहेकोले उनलाई नै राष्ट्रिय सभामा लैजानुपर्ने पक्षमा उभिएका छन् । 

नेकपाको सचिवालयमा सांसद नहुनेमा अहिले गौतम एक्ला छन् । सोही कारण पनि उनलाई संसदमा लगेर ब्यवस्थापन गर्ने योजनामा नेकपाका शीर्ष नेताहरु तयार भएका हुन् । तर ओलीले भने खतिवडाको ठाँउमा भन्दा पनि अन्य विकल्पमा गौतमलाई संसदमा लगेर ब्यवस्थापन गर्ने बारे विकल्पमा छलफल गर्न तयार रहेको बताउदैं आईरहेका छन् ।  दिउसो ३ बजे बस्ने बैठकमा अब नेकपाभित्रको विवाद सल्टाउन गठन गरिएको समस्या समाधान सुझाव कार्यादलको प्रतिवेदनमा पनि छलफल हुनेछ ।

कार्यदलको प्रतिवेदनमाथीको छलफलका लागि भने कार्यदलमा रहेका सदस्यलाई पनि बोलाउने नबोलाउने विषयमा पनि छलफल चलिरहेको छ । कार्यदलका संयोजक विष्णु पौडेल सचिवालय सदस्य भएकाले अन्य नेताहरु भीम रावल, सुरेन्द्र पाण्डे, जनार्दन शर्मा, शंकर पोखरेल र पम्फा भुसाल थिए । उनीहरुले ६ भदौंमा आफनो प्रतिवेदन बुझाएका थिए । दुई अध्यक्षमध्ये ओलीले सरकार र प्रचण्डले पार्टी जिम्मा लिने गरी कार्यविभाजन गरेर कार्यदलले आफ्नो प्रतिवेदन बुझाएको थियो । 
 

प्रतिक्रिया दिनुहोस