नेकपाको राजनीतिक प्रतिवेदन : एमसीसीबारे अस्पष्ट

पत्रपत्रिकाबाट

विहीबार, १६ माघ २०७६, ०७ : ५२
नेकपाको राजनीतिक प्रतिवेदन : एमसीसीबारे अस्पष्ट

काठमाडौं ।  सत्तारूढ नेकपाले नेपालको राष्ट्रिय हितलाई सर्वोपरि राखी अ‍ेमरिकालगायत संसारका सबै देशसँग पारस्परिक हितका आधारमा आर्थिक सहयोग र विकास कार्यमा साझेदारी गर्न नेपाल तत्पर रहने बताए पनि एमसीसी अनुमोदन गर्ने विषयमा भने स्पष्ट पार्न सकेको छैन ।

बुधबारदेखि सुरु भएको नेकपा केन्द्रीय कमिटी बैठकमा पार्टी अध्यक्षद्वय केपी शर्मा ओली र पुष्पकमल दाहालले प्रस्तुत गरेको संयुक्त राजनीतिक प्रतिवेदनमा अमेरिकाको मिलिनियम च्यालेन्ज कर्पोरेसन (एमसीसी) सम्झौताका बारेमा स्पष्ट र ठोस प्रस्ताव आउन नसकेको हो । तर, केन्द्रीय बैठकको उद्घाटन कार्यक्रममा बोल्दै प्रधानमन्त्री तथा पार्टी अध्यक्ष ओलीले भने एमसीसीबारे विस्तृत जानकारी दिँदै यसलाई पारित गर्नुपर्ने बताएका छन् ।

एमसीसीमा नेपाललाई होच्याउने, अपमान गर्ने कुनै विषय नभएको प्रस्ट पार्दै प्रधानमन्त्री ओलीले यो विशुद्ध विकास निर्माणसँग मात्रै सम्बन्धित भएकाले पारित गर्नुपर्नेमा जोड दिए । उनले एमसीसीलाई इन्डोप्यासिफकसँग जोड्नु बेकारको तर्क भएको बताउँदै यसलाई अगाडि बढाउन कसैले अप्ठ्यारो मान्न नहुने बताए । राजधानी दैनिकमा खबर छ ।

प्रतिक्रिया दिनुहोस