बेरुजु फस्र्यौटमा नेपाल प्रहरी उत्कृष्ट

काठमाडौँ । आपराधिक घटनामा नेपाल प्रहरीले विभिन्न आलोचनाहरु खेपिरहेको छ । निर्मला पन्तको बलात्कारपछि हत्या गरिएको घटनाका दोषीलाई पक्राउ गर्न नसकेको भनेर आलोचना हुँदै आएको छ । 

अघिल्लो महिना १२२ जना चिनियाँ नागरिक पक्राउ परेको घटनालाई ध्यानमा राखेर प्रहरीको अपरेशन फितलो भन्दै सञ्चारमाध्यममा आलोचित समाचार आइरहेको छ । तर पनि बेरुजु फस्र्यौटमा प्रहरीले उच्च अङ्क ल्याएको छ । प्रहरी स्रोतका अनुसार नै व्यवस्थित रुपमा अपरेशन चलाएको भए अन्य २÷३ सय व्यक्ति पक्राउ पर्न सक्ने थियो  ।

विविध आलोचनाका बीच पनि प्रहरीले गृह मन्त्रालय र अन्तर्गतका निकायहरुमध्ये बेरुजु फछर्याैमा मापनको वर्गीकरणमा आव २०७४÷७५सम्मको बेरुजुलाई ८८.५० प्रतिशत फस्र्यौट गरेको छ । त्यसैले नेपाल प्रहरी सर्वोत्कृष्ट स्थान हासिल गरी सम्मान प्राप्त गरेको छ । प्रहरीले नगद रकम समेत प्राप्त गरेको छ । 

गृहमन्त्री रामबहादुर थापा ‘बादल’ले काठमाडौँमा आयोजित एक समारोहमा आज प्रहरी महानिरीक्षक सर्वेन्द्र खनाललाई नेपाल प्रहरीले सर्वोत्कृष्ट स्थान हासिल गरेकोमा नगद १० हजार रुपैयाँ पुरस्कारसहित प्रंशासा पत्र प्रदान गरे । 

प्रहरी प्रधान कार्यालय र अन्तर्गतका कार्यालयहरुको आव २०७४÷७५ सम्मको बाँकी बेरुजु रकममध्ये ८८.५० प्रतिशत फस्र्यौट गरी बेरुजु फस्र्यौट मुल्याङ्कन तथा अनुगमन समितिको सिफारिस बमोजिम नेपाल सरकार मन्त्रीस्तरीय निर्णय अनुसार प्रहरी उत्कृष्ट बनेको हो ।

आगामी दिनमा समेत यसरी नै निर्दिष्ट लक्ष्यअनुसार बेरुजु फस्र्याैट कार्यमा नेपाल प्रहरीको लगनशीलता एवम् सक्रियताको अपेक्षा गरिएको प्रशंसापत्रमा उल्लेख छ । बेरुजु फस्र्याैट मापनको वर्गीकरणमा गत आवमा समेत नेपाल प्रहरी सर्वोत्कृष्ट स्थान हासिल गर्न सफल भएको थियो ।