भरतपुर महानगरको पाँचौं नगर सभामा विधेयकहरुमाथि छलफल सुरु

चितवन । भरतपुर महानगरपालिकाको पाँचौं नगर सभा अहिले भरतपुरमा चलिरहेको छ । नगर सभामा महानगर प्रमुख रेनु दाहालबाट प्रस्ताव गरिएका विधेयकहरुमाथि छलफल भइरहेको छ ।

नगर सभामा महानगर प्रमुख दाहालले चालु आर्थिक वर्षको वार्षिक नीति तथा कार्यक्रम र बजेटको हालसम्मको समीक्षा प्रस्तुत गर्नु भएको छ । उहाँले भरतपुर महानगरपालिकाको पुरक बजेट पनि पेश गर्नु भएको छ ।

विधेयक समितिका संयोजक हरिप्रसाद आचार्यले महानगरपालिकासँग सम्बन्धित केही कानुनहरुको विधेयक र संशोधन विधेयक पेश गर्नु भएको छ । उहाँले नगर सभामा मेलमिलापकर्ताहरुको नामावली सूचीकृत गर्ने सम्बन्धी विषय पनि प्रस्ताव गर्नु भएको छ ।

नगर सभाका सहभागीहरु अहिले प्रस्तावित विधेयकहरुमाथि छलफलमा जुटेका छन् । नगर सभामा प्रस्तुत विधेयकहरु पारित भएपछि आजै सभा सम्पन्न हुनेछ ।