काठमाडौं । नेकपा एमालेका महासचिव शंकर पोखरेलले संविधानमा हस्ताक्षर नै नगर्ने पार्टीहरुसँग सहकार्य गर्ने दलहरुले एमालेले संविधान नै मानेन भन्नु लज्जाको विषय भएको बताएका छन।
बुधबार पार्टी केन्द्रीय कार्यालय च्यासलमा आयोजित पार्टी प्रवेश कार्यक्रमलाई सम्बोधन गर्दै उनले यस्तो बताए । उनले संविधान नमान्ने पार्टीहरुसँग सहकार्य गर्ने दलहरुले एमालेले संविधान नै मानेन भन्दै आरोप लगाउनुको कुनै अर्थ नरहेको जिकिर गरे । महासचिव पोखरेलले सिंगो आन्दोलनलाई संविधानवादको जञ्जालभित्र राखेर व्याख्या गर्ने कामको प्रयास भइरहेको बताए।
उनले घोषित रुपमा संविधान नै नमान्ने पार्टीहरुसँगको सहकार्यले संसदीय मूल्य, मान्यतामाथि प्रहार गरिरहेको बताए । महासचिव पोखरेलले जनताको जनादेश खण्डित भएपछि फेरी जनतामा जानुपर्छ भन्ने लोकतन्त्रको विशेषता रहेपनि त्यसमाथि नै प्रहार भएको आरोप लगाए । उनले नेकपा एमालेले संविधान नै मान्दैन भनेर आरोप लगाउनु जति मजाकको विषय अरु हुनै नसक्ने बताए ।
महासचिव पोखरेलले नेपालको राजनीतिमा मुख्य दलहरु भनेको नेकपा एमाले र नेपाली कांग्रेस मात्रै रहेको दावि गरे। नेकपा एमाले सम्पूर्ण वामपन्थी शक्ति भनेकै नेकपा एमाले रहेको बताए । उनले सत्तारुढ दलहरुले आफ्नो चाहनाका लागि मात्रै अदालतको प्रयोग गर्ने गरेको आरोप लगाए । राजनीतिक अस्थिरताका कारण नै नेपाल बन्न नसकेको उनले बताए ।
प्रतिक्रिया दिनुहोस
सफल खबर संवाददाता
बुधबार, २९ चैत्र २०७९, १४ : ०८
लेखकबाट थप
सम्बन्धित समाचारहरु
बालबालिकादेखि ज्येष्ठ नागरिकसम्म अध्यक्ष ओलीप्रतिको आकर्षण अभूतपूर्व : महासचिव पोखरेल
अर्थतन्त्र सबल बनाउनुपर्नेमा एमाले महासचिव पोखरेलको जोड
कोशीमा सरकार भत्काउने गठबन्धनको प्रपञ्च छ : शंकर पोखरेल
महासचिव पोखरेलद्वारा कम्युनिष्ट पार्टीको सङ्ग्रहालय अवलोकन
अहिले हाम्रा लागि सत्ता चासोको विषय होइन : एमाले महासचिव पोखरेल
बालकृष्ण खाँणको मुख्य योजनामा नक्कली भुटानी शरणार्थी प्रकरणको सुरुवात भयो : महासचिव पोखरेल