राप्रपा परित्यागको घोषणा गर्दै धवलशम्शेर राणाले भने-‘संगठन अब कमजोर भइसक्यो’

काठमाडौँ। राष्ट्रिय प्रजातन्त्र पार्टी (राप्रपा) परित्यागको घोषणा गर्दै महामन्त्री डा. धवलशम्शेर राणाले पार्टीभित्रको वर्तमान अवस्थाका कारण स्थानीय तहका निर्वाचनमा समेत उम्मेदवार व्यवस्थापनमा कठिनाइ उत्पन्न हुने स्थितिसम्म पुगेको टिप्पणी गरेका छन्।

उनको नेतृत्वमा १८३ जना नेताहरूले सामूहिक रूपमा राजीनामा दिएपछि आयोजित भेलामा बोल्दै राणाले करिब पाँच वर्षअघि राजेन्द्र लिङ्देनलाई पार्टी अध्यक्ष बनाउन आफूले निर्णायक भूमिका खेलेको स्मरण गरेका छन्।

उनले पछिल्ला चार वर्षलाई आफ्नो राजनीतिक जीवनकै सबैभन्दा चुनौतीपूर्ण र असन्तोषजनक अवधि रहेको उल्लेख गरे।

महाधिवेशन प्रक्रिया अगाडि बढाउन नेतृत्वले आवश्यक चासो नदिएको आरोपसमेत उनले लगाए।

राणाले अब राष्ट्रवादी विचारसहित राजसंस्था सहितको प्रजातान्त्रिक अभ्यासलाई स्वीकार गर्ने वैकल्पिक राजनीतिक संरचना निर्माणतर्फ अघि बढ्ने संकेत पनि दिएका छन्।