इजिप्टमा बस दुर्घटना हुँदा २२ जनाको मृत्यु

एजेन्सी । इजिप्टमा बस दुर्घटना हुँदा  २२ जनाको मृत्यु भएको छ। घटनामा अन्य ३३ जना घाइतेसमेत भएको स्थानीय अधिकारीहरूले जानकारी दिएका छन्। मंगलबार देशको दक्षिणी क्षेत्रमा पर्ने मिन्या प्रान्तमा घटना भएको जनाइएको छ।

‘राजधानी कायरोतर्फ आइरहेको बस दुर्घटनामा परी उनीहरूको मृत्यु भएको हो’, गभर्नर ओसामा अल क्वाडीले भने। दुर्घटनामा परेको बस देशको दक्षिणी प्रान्त सोहाङबाट हिँडेको थियो। सडकमा रोकेर राखिएको ट्रकमा ठोक्किएर दुर्घटना भएको जनाइएको छ।

घाइतेहरूलाई एम्बुलेन्समा राखेर स्थानीय अस्पतालमा लागिएको छ। उनीहरूको अस्पतालमा उपचार भइरहेको छ। घाइतेमध्ये केहीको अवस्था गम्भीर रहेको र अधिकांशको अवस्था समान्य रहेको चिकित्सकहरूले जनाएका छन्। राजधानी कायरोदेखि २०० मिटर टाढा घटना भएको हो।