भरतपुर महानगरमा रेनु दाहालको अग्रता झनै फराकिलो, विजय सुवेदी ९ हजार ८७२ मतले पछाडी

चितवन । भरतपुर महानगरपालिका प्रमुख पदमा सत्तारुढ गठबन्धनकी उम्मेदवार रेनु दाहालले अग्रता झनै फराकिलो बन्दै गएको छ  । पछिल्लो १ लाख ८ हजार ४५ मतगणनाको परिणाम अनुसार उनले ४३ हजार ४८४ मत पाएकी छिन् ।

उनी ९ हजार ८७२ मतले अग्रता कायम गरेकी छिन् । मतगणनाको शुरुवाती चरणमा निकटतम प्रतिष्पर्धीसँग थोरै मतले मतान्तर हुँदै आएकोमा अहिले भने दाहालले फराकिलो मतान्तर बनाउन सफल भएकी छिन् ।

यस्तै, नेकपा एमालेका उम्मेदवार विजय सुवेदीले ३३ हजार ६१२ मत पाएका छन् । अर्का  प्रमुख पदका स्वतन्त्र उम्मेदवार जगन्नाथ पौडेलले १३ हजार ३३० मत पाएका छन् ।

उपप्रमुख पदमा भने नेपाली काँग्रेसका चित्रसेन अधिकारी ४४ हजार ८२८ मतका साथ अग्रस्थानमा छन् । अर्का प्रतिष्पर्धी राप्रपाकी हिमला गुरुङले २६ हजार ६१५ मत पाएकी छन् ।