मन्त्री रेणुकुमारी यादवविरुद्ध रौतहट प्रहरीमा उजुरी

काठमाडौं । भौतिक पूर्वाधार तथा यातायात मन्त्री रेणुकुमारी यादव विरुद्ध जिल्ला प्रहरी कार्यालय, रौतहटमा उजुरी परेको छ । नागरिक अभियानकर्मी तारानाथ दाहालले आइतबार डिल्लीबजार स्थित गोश्वारा हुलाक कार्यालयमार्फत जाहेरी दरखास्त दिएका हुन् ।

२०६३ चैत ७ गते गौरमा २७ जना माओवादी कार्यकर्ताको हत्या भएको घटना उल्लेख गर्दै मन्त्री यादवले गत माघ ५ गते गौर नरसंहार दोहो¥याउने अभिव्यक्ति दिएकी थिइन् ।
मन्त्रीको उक्त अभिव्यक्तिले विरुद्ध मुलुकी अपराध संहिता, २०७४ को दफा ३५ को कसुर गर्न दुरुत्साहन दिने र द्धन्द फैलाउने जाहेरीमा उल्लेख छ । कानुनअनुसार हदैसम्मकोे कारबाहीको माग गरी उक्त जाहेरी दरखास्त हुलाकमार्फत रौतहट प्रहरीकोेमा पठाएको दाहालले बताए ।