ट्याक्टर दुर्घटनामा एकजनाको मृत्यु, एक गम्भिर घाईते

तनहुँ । तनहुँमा शुक्रबार साँझ ट्याक्टर दुर्घटना हुदाँ एक जनाको मृत्यु भएको छ भने एक जना गम्भिर घाईते भएका छन् । भिमाद बजारबाट घिरिङ्ग गाउँपालिकाको पुट्टार जादै गरेको लु १ त ७२०७ नम्बरको ट्याक्टर भिमाद नगरपालिका– ३ सेर्कामा दुर्घटना भएको हो ।

दुर्घटनामा पुट्टारकाका ५३ बर्षीय यदुराज घिमिरेको मृत्यु भएको र ट्याक्टर चालक ३० बर्षीय ऋषि अधिकारी गम्भिर घाईते भएको इलाका प्रहरी कार्यालय बेलचौताराका प्रहरी निरीक्षक ज्ञानबहादुर खड्काले बताए । ट्याक्टरका मालिक समेत रहेका अधिकारीलाई उद्धार गरेर उपचारका लागि पोखरा पठाइएको प्रहरी निरीक्षक खड्काले बताए ।

दुर्घटनामा २० बर्षीय यामबहादु दरै सामान्य घाईते भएकोे र उहाँको भिमाद स्वास्थ केन्द्रमा उपचार भईरहेको प्रहरीले जनाएको छ । प्रहरीका अनुसार फलामको सामान बोकेको ट्याक्टरमा सात जना सवार रहेका थिए ।