कर्मचारीको तलब २१ प्रतिशतले बढ्यो

काठमाडौँ । सरकारले सरकारी कर्मचारी तथा शिक्षकको तलब २१ प्रतिशतले वृद्धि गरेको छ। साथै, मासिक ५ हजार रुपैयाँ महँगी भत्तालाई निरन्तरता दिइएको छ।

अर्थमन्त्री डा. स्वर्णिम वाग्लेले शुक्रबार संघीय संसद्को संयुक्त बैठकमा आर्थिक वर्ष २०८३/८४ को बजेट प्रस्तुत गर्दै सरकारी कर्मचारी र शिक्षकको तलबमान २१ प्रतिशतले बढाइएको जानकारी दिएका हुन्। उनका अनुसार नयाँ तलबमान आगामी साउन १ गतेदेखि लागू हुनेछ।

तलब वृद्धिपछि सरकारी कर्मचारीको न्यूनतम मासिक तलब करिब ४० हजार रुपैयाँ पुग्ने भएको छ भने उच्च तहका कर्मचारीको तलब एक लाख रुपैयाँभन्दा माथि पुग्नेछ। नयाँ तलबमान अनुसार विभिन्न पदका कर्मचारीको पारिश्रमिक पुनर्निर्धारण गरिनेछ।