भेरी अस्पतालको घटनामा निस्पक्ष छानविन गरी दोषीमाथि कार्वाही हुन्छ : शंकर पोखरेल

काठमाडौं । लुम्बिनी प्रदेशका मुख्यमन्त्री शंकर पोखरेलले बाँकेको भेरी अस्पतालमा भएको घटनामा निस्पक्ष छानविन गरी दोषीमाथि कार्वाही हुने बताएका छन । घटनाको निस्पक्ष छानविन गरिने उनको प्रतिवद्धता छ ।

सामाजिक सञ्जालमार्फत मुख्यमन्त्री पोखरेलले सो प्रतिवद्धता जनाएका हुन । उनले लेखेको स्टाटस यस्तो छः बाँकेको भेरी अस्पतालमा घटेको दुःखद घटनाका सन्दर्भमा गंभीर ध्यानाकर्षण भएको छ ।

कोरोना संक्रमितको उपचारका क्रममा मृत्यू भएपछि भेरी अस्पतालमा मृतकका आफन्तले चिकित्सक र स्वास्थ्यकर्मीमाथि आक्रमण गरेका थिए । आक्रमणकारीमाथि कारवाही हुनुपर्ने चौतर्फी माग भइरहेको छ ।