फिलिपिन्समा ८.२ म्याग्निच्युडको शक्तिशाली भूकम्प, सुनामीको चेतावनी

एजेन्सी । फिलिपिन्सको मिन्डानाओ टापु नजिकै सोमबार बिहान ८.२ म्याग्निच्युडको शक्तिशाली भूकम्प गएको छ।

 भूकम्पपछि फिलिपिन्स, इन्डोनेसिया र जापान लगायतका एसियाली देशहरूमा सुनामीको चेतावनी जारी गरिएको छ।
अमेरिकी भूगर्भ सर्वेक्षणका अनुसार स्थानीय समय अनुसार बिहान ७:४० बजे उक्त शक्तिशाली भूकम्प गएको हो। 

अधिकारीहरूले तटीय क्षेत्रका बासिन्दाहरूलाई तुरुन्तै समुद्री किनारा र बन्दरगाहबाट टाढा सुरक्षित स्थानमा जान आग्रह गरेका छन्। 

सुनामीको जोखिमका कारण मानिसहरूलाई उच्च सतर्कता अपनाउन निर्देशन दिइएको अलजजिराले समाचारमा उल्लेख गरेको छ ।