सुकुम्वासीको वेदना बुझेर सम्मानजनक विकल्प दिनु सरकारको जिम्मेवारी हो : शंकर पोखरेल

काठमाडौं । नेकपा एमालेको महासचिव शंकर पोखरेलले सुकुम्वासी बस्ती खाली गराउने क्रममा सरकारलाई मानवीय संवेदनशीलता अपनाउन आग्रह गरेका छन्।

काठमाडौं उपत्यकाका नदी किनारका बस्ती सरकारले हटाउन थालेपछि बस्ती हटाउने क्रममा देखिएको पीडालाई नजरअन्दाज गर्न नहुने उनको भनाइ छ।

उनले भनेका छन् ‘अदृश्य त्रास र आतंकको छायाँमा आदेश पालना भयो भनेर खुसी मनाउनेहरूले वर्षौँदेखिको बास छोड्न बाध्य भएका ती श्रमिकहरूको आँखा र अनुहारमा देखिएको पीडा समेत देख्न सक्नु पर्दछ । यिनै गरिब श्रमिकहरूको हातले शहर उठ्यो, तिनकै पसिनाले सडक, बजार र बस्ती गुल्जार भए। आज उनीहरू बाध्य भएर बस्तीबाट टाढिँदै गर्दा केवल नियम पालना भएको उत्सव मनाउनु पर्याप्त होइन।’

सुकुम्वासीको वेदना बुझेर सम्मानजनक विकल्प दिनु सरकारको जिम्मेवारी भएको बताएका छन्।