चितवनको ९८ वडामा कांग्रेसको विरोध प्रदर्शन

चितवन । सरकारले गरेको प्रतिनिधिसभा विघटनको विरोधमा नेपाली काँङ्ग्रेसले चितवनको ९८ वडामा विरोध प्रदर्शन गरेको छ । नेपाली कांग्रेस चितवनको आह्वानमा जिल्लाका सात स्थानीय तहका ९८ वटा वडामा विरोध प्रदर्शन भएको थियो ।  

नेपाली काँग्रेस चितवनका सभापति जीतनारायण श्रेष्ठका अनुसार ९८ वडामा कम्तिमा १ जना महिलासहित ७ जनासम्म जिल्ला नेताले सम्बोधन गरेका थिए । एउटा कार्यक्रममा ३ सय देखि ७ सयसम्म सहभागी भएको भन्दै उनले ५० हजार भन्दा बढी नेता कार्यकर्ता विरोधमा उत्रिएको दावी गरे । सरकारले गरेको असंबैधानिक कदमका बिरुद्धमा कांग्रेसले चरणबद्ध आन्दोलनका कार्यक्रमहरु गर्दै आएको छ ।