निर्वाचन आयोगले छलफल गर्न बोलायो दलहरुलाई

काठमाडौं । निर्वाचन आयोगले आज दलहरुसँग सर्वदलीय छलफल गर्दै छ। छलफलका लागि दलका प्रतिनिधिहरुलाई आयोगले कान्तिपथस्थित कार्यालयमा आउन भनेको छ । 

आयोगका प्रवक्ता राजकुमार श्रेष्ठले आगामी निर्वाचनका विषयमा छलफल गर्न सर्वदलीय छलफल गरेको जानकारी दिए ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ गते प्रतिनिधिसभा विघटन गरी आउँदो माघ १७ र २७ गते मध्यावधि निर्वाचन घोषणा गरेकी थिइन् ।