सत्तारुढ दल नेकपाको सचिवालय बैठक स्थगित

काठमाडौं । सत्तारुढ दल नेपाल कम्युनिस्ट पार्टी (नेकपा) को आज सोमबार बस्ने भनिएको सचिवालय बैठक स्थगित भएको छ ।  सोमबार दिउँसो १ बजेका लागि तय भएको बैठक मंगलबार दिउँसो साढे १२ बजे बस्ने गरी निर्धारित गरिएको छ ।

पेरिसडाँडामा आइतबारबाट सुरु भएको बैठकमा मन्त्रिमण्डल पुर्नगठन, संवैधानिक तथा राजनीतिक नियुक्ति, पार्टी एकताका बाँकी काम लगायतका विषयमा छलफल गर्ने कार्ययोजना रहेको थियो ।

ति मध्ये पनि आज राजनितिक नियुक्ति माथि मुख्य छलफल गर्ने योजना तोकिएको थियो । मंगलबारको बैठक बालुवाटारमा बस्ने पार्टी प्रवक्ता नारायणकाजी श्रेष्ठले जानकारी दिए ।