प्रवक्ता नारायणकाजीको स्वयंसेवा टोलीले केके गर्नेछ काम ?

काठमाडौं । नेकपा प्रवक्ता नारायणकाजी श्रेष्ठले कोभिड–१९ स्वयंसेवा गठन गरेर कोरोनाबारे जनतामा सचेतना दिने भएका छन् । स्वयं सेवाको कामलाई प्रभावकारी बनाउन र्‍यापिड रेस्पोन्स टिम र उपसमितिहरु बनेको छ ।

सरकारको प्रयासलाई सफल बनाउन र संक्रमणबाट समाजलाई बचाउन सबैले आफ्नो ठाउँबाट सहयोग गर्नुपर्ने भएकाले स्वयंसेवा गठन गरेर अघि बढेको प्रवक्ता श्रेष्ठले बताए । श्रेष्ठले कोरोनाको संक्रमण नियन्त्रणका लागि बनाएको स्वयम्सेवा टोलीलाई सरकारले प्रभावकारी बनाउनुपर्ने बताए । 

श्रेष्ठको निजी सचिवालय अन्तर्गत गठित कोभिड १९ स्वयंसेवाले कोभिड उपचारसम्बन्धि प्रकिया र उद्धारमा सहजीकरण गर्नेछ भने मनोसामाजिक र आपतकालीन स्वास्थ्य परामर्शसमेत दिनेछ । आप्रवासी श्रमिक उद्धार तथा सुरक्षित घर फिर्तिमा समेत समन्वय गर्ने बताइएको छ ।