भारतमा कोरोना संक्रमितको संख्या करिब ६३ हजार पुग्यो, २ हजार १ सय भन्दा बढीको मृत्यु

एजेन्सी । महामारीको रुपमा फैलिएको कोरोना भाइरसको संक्रमणबाट छिमेकी देश भारतमा संक्रमित हुनेको संख्या  ६२ हजार ९ सय ३९ पुगेको छ । भारतिय संचारमाध्यमका अनुसार अहिलेसम्म कोरोनाको संक्रमणबाट २ हजार १ सय ९ जनाको मृत्यु भइसकेको छ । 

संक्रमित मध्ये १९ हजार ३ सय ५७ जना संंक्रमण मुक्त भएका छन् । सबैभन्दा बढी प्रभावित महाराष्ट्रमा संक्रमितको संख्या २० हजार २ सय २८ पुगेको छ भने सो राज्यमा अहिलेसम्म ७ सय ७९ जनाको मृत्यु भएको छ । यस्तै गुजरातमा ७ हजार ७ सय ९६ संक्रमित मध्ये ४ सय ७२ जनाको मृत्यु भएको छ । दिल्लीमा संक्रमितको संख्या ६ हजार ५ सय ४२ रहेको छ । त्यसमध्ये ७३ जनाको मृत्यु भएको छ ।

यसैबिच भारतमा जारी लकडाउनकै बिच  बन्द रहेका रेल सेवा मंगलबारदेखि सञ्चालन हुने भएको छ । ५० दिन देखि जारी लकडाउनले धेरैलाई समस्या परेपछि थोरै संख्यामा तत्कालका लागि रेल सेवा शुरु गर्न लागिएको हो ।  

भारतीय रेलवेलेका अनुसार सुरुमा १५ वटा रेलले यात्रा भर्ने छन् । भारतका मुख्य मुख्य शहरका लागि शुरुवात हुने रेव सेवाको लागि टिकट वितरण अनलाईनबाट मात्रै  सोमबार बेलुका चार बजेपछि सुरु हुने जनाइएको छ ।