मोरङमा बाक्लो हुस्सुले कलेज बस पल्टियो, एकको मृत्यु

मोरङ । मोरङको रंगेलीमा कलेज बस दुर्घटना हुँदा एकजनाको मृत्यु भएको छ । बाक्लो हुस्सु परेको बेला आज बिहान ६ बजे बस दुर्घटनामा परेको   प्रहरीले जनाएको छ । 

लर्डबुद्ध कलेजका विद्यार्थी बोकेको मे १ ख १४९० नम्बर बस  दुर्घटना हँदा  सहचालकसमेत रहेका बसधनी विराटनगर–१५ का ३२ वर्षीय सानु साहको मृत्यु भएको प्रहरीले जनाएको छ ।

घनपालथान गाउँपालिका वडा नम्बर ४ रामचोकमा कलेज बस पल्टिँदा ११ जना विद्यार्थी घाइते छन्। दुर्घटनापछि बसका चालक विराटनगर १० का खिलबहादुर खड्कालाई प्रहरीले पक्राउ गरेको छ ।