यस्ता छन् बागमती मन्त्रिपरिषद् बैठकका निर्णय

काठमाडौँ । बागमती प्रदेश सरकारको मन्त्रिपरिषद् बैठकले प्रशासनिक संरचनामा महत्वपूर्ण परिवर्तन गर्दै सचिवको जिम्मेवारी हेरफेर गरेको छ। सहकारी तथा गरिबी निवारण मन्त्रालयको सचिवका रूपमा खुसीराम अधिकारीलाई तोक्ने निर्णय गरिएको हो।

यसैगरी मुख्यमन्त्री इन्द्रबहादुर बानियाँको अध्यक्षतामा बसेको उक्त बैठकले मुख्यमन्त्रीको प्रमुख राजनीतिक सल्लाहकारमा मकवानपुरको बकैया गाउँपालिका-५ निवासी दामोदर खनाललाई नियुक्त गर्ने निर्णय पनि गरेको छ। सरकारले यसलाई नीति कार्यान्वयन र राजनीतिक समन्वयलाई थप प्रभावकारी बनाउने कदमका रूपमा लिएको जनाएको छ।

त्यस्तै, सूचना प्रतिवेदन समितिको अध्यक्षमा धादिङका कृष्णराज अधिकारी र सदस्यमा मकवानपुरका अशोक श्रेष्ठलाई नियुक्त गरिएको छ। स्वास्थ्य सेवामा कार्यरत ११औँ तहका वरिष्ठ अधिकृत डा। अर्जुन सापकोटाले दिएको राजीनामा स्वीकृत गर्ने निर्णय पनि बैठकले गरेको छ।