सिमा समस्या समाधान गर्न सहमत भारतिय प्रधानमन्त्री मोदी र नेपालका प्रधानमन्त्री ओली बिच फोन वार्ता

काठमाडौं । प्रधानमन्त्री ओली र मोदी सीमा समस्या समाधान गर्न सहमत सीमा विवाद समाधान गर्न द्विपक्षीय वार्ताको तयारी भइरहेका बेला प्रधानमन्त्री केपी शर्मा ओली र भारतीय प्रधानमन्त्रीबीच टेलिफोन वार्ता भएको छ।

वार्तामार्फत द्विपक्षीय समस्या समाधान गर्दै सम्बन्धलाई नयाँ उचाइमा पुर्याउन उनीहरूबीच संवाद भएको हो।इस्वी संवत् २०२० को शुभकामना आदानप्रदान गर्न भएको टेलिफोन वार्ताका क्रममा यस्तो छलफल भएको प्रधानमन्त्री तथा मन्त्रिपरिषद्को कार्यालयले जनाएको छ।

गत कात्तिक दोस्रो साता भारतले नेपालका कालापानी लिपुलेकलगायतका भू–भाग आफ्नो नक्सामा समेटेर सार्वजनिक गरेपछि ओली–मोदीबीच पहिलोपटक संवाद भएको हो। सीमा विवाद समाधान गर्न दुवैतर्फका कूटनीतिक माध्यमबाट सम्पर्क हुँदै आएको छ। दुई देशबीचको सम्बन्धलाई नयाँ उचाइमा पुर्याउन सन् २०१९ सफल रहेको र यो वर्ष २०२० अझै उचाइमा पुर्याउन सफल हुनेमा दुवै प्रधानमन्त्रीले विश्वास व्यक्त गर्नुभएको ओलीका प्रेस सल्लाहकार सूर्य थापाले जानकारी दिए। नेपाल समाचारपत्रमा खबर छ ।