रमेश बाहुन समूहका सुटर दुर्गा राई पक्राउ

काठमाडौं । गुन्डा नाइके रमेश बाहुन समूहका सुटर दुर्गा राई पक्राउ परेका छन् । उनलाई महानगरीय अपराध अनुसन्धान महाशाखा, टेकुको टोली कोटेश्वर क्षेत्रबाट पक्राउ गरेको हो । 

व्यवसायीलाई धाकधम्की दिएर गुण्डागर्दी गरेको भेटिएपछि अनुसन्धानका लागि राईलाई नियन्त्रणमा लिइएको महाशाखाका एसएसपी सहकुलबहादुर थापाले बताए ।

एसएसपी थापाका अनुसार प्रहरीको ‘मोस्ट वान्टेड’ गुण्डा नाइके दावा लामा समूहका विष्णु धिताल पनि पक्राउ परेका छन् । काभ्रेका धिताल यसअघि गुण्डा नाइके गणेश लामाको समूहमा थिए । बाहुन अहिले केन्द्रीय कारागारमा छन् भने लामा सिक्किमतिर लुकेर बसेको मानिन्छ ।
दुर्गा राई ५ वर्ष जेल सजाय भोगेर छुटेका व्यक्ति हुन् ।