पुराना दलप्रति जनआक्रोशको कारणबारे समीक्षा आवश्यक: वर्षमान पुन

काठमाडौँ । नेपाली कम्युनिष्ट पार्टी (नेकपा)का नेता तथा पूर्वअर्थमन्त्री वर्षमान पुनले पुराना राजनीतिक दलप्रति देखिएको जनअसन्तुष्टिको कारणबारे गम्भीर आत्मसमीक्षा आवश्यक रहेको बताएका छन्।

१७३औँ विश्व मजदुर दिवसका अवसरमा अखिल नेपाल ट्रेड युनियन महासंघले राजधानीमा आयोजना गरेको ‘वर्तमान राजनीतिक अवस्थामा ट्रेड युनियनको भूमिका’ विषयक अन्तरक्रियामा बोल्दै उनले विगत लामो समय सत्तामा रहेका दलहरूको कमजोरीकै पृष्ठभूमिमा नयाँ राजनीतिक शक्ति रास्वपाजस्ता दलहरूको उदय भएको स्वीकार गर्नुपर्ने धारणा राखे।

उनका अनुसार काँग्रेस-एमालेले करिब ३६ वर्ष र आफूहरू १८ वर्षसम्म सत्तामा रहँदा भएका कमजोरीकै कारण समाजमा लोकप्रियतावादी प्रवृत्ति विस्तार भएको हो।