विश्वकपअघिको मैत्रीपूर्ण खेलमा फ्रान्स विजयी, ओलिसको ह्याट्रिक

एजेन्सी । माइकल ओलिसको ह्याट्रिक मद्दतले फ्रान्सले विश्वकप २०२६ अघिको आफ्नो अन्तिम मैत्रीपूर्ण खेलमा उत्तरी आयरल्यान्डलाई सोमबार ३–१ ले पराजित गरेको छ । फ्रान्सको लिलमा भएको यो खेल प्रशिक्षक डिडिएर डेसक्याम्पका लागि घरेलु भूमिमा अन्तिम खेल समेत बन्यो ।

खेलमा ओलिसले ४३ औँ, ४९ औँ र ७४ औँ मिनेटमा गोल गर्दै ह्याट्रिक पूरा गरे । उत्तरी आयरल्यान्डका तर्फबाट प्याट्रिक केलीले एक गोल फर्काएका थिए ।

यस्तै, अर्को मैत्रीपूर्ण खेलमा नेदरल्यान्ड्सले उज्वेकिस्तानमाथि २–१ को संघर्षपूर्ण जित निकालेको छ ।

डच टोलीका लागि दोस्रो हाफमा कोडी गाक्पोले पेनाल्टीमार्फत गरेको गोल नै निर्णायक बन्यो । विश्वकपमा नेदरल्यान्ड्सको पहिलो खेल जापानसँग हुनेछ ।