विद्यार्थी संगठन खारेज गर्ने निर्णयविरुद्ध पूर्णबहादुर खड्काको आपत्ति

काठमाडौँ । नेपाली काँग्रेसका नेता पूर्णबहादुर खड्काले विद्यार्थी संगठन र स्वतन्त्र विद्यार्थी युनियन (स्ववियु) खारेज गर्ने सरकारी निर्णयप्रति आपत्ति जनाएका छन्। 

सर्वोच्च अदालतको हालैको फैसलापछि उनले ‘निवर्तमान कार्यवाहक सभापति’को हैसियतमा पहिलो पटक सार्वजनिक विज्ञप्ति जारी गरेका हुन्।

मंगलबार जारी वक्तव्यमा उनले विद्यार्थी संगठनहरू नेपालको लोकतान्त्रिक आन्दोलनको ऐतिहासिक आधार स्तम्भ भएको उल्लेख गरेका छन्। स्ववियुको भूमिकाले नै देशमा संघीय लोकतान्त्रिक गणतन्त्र स्थापना गर्न योगदान पुगेको उनको भनाइ छ।

विज्ञप्तिमा पञ्चायती व्यवस्थाको कालखण्डमा राजनीतिक दल प्रतिबन्धित हुँदा विद्यार्थी संगठनहरूले लोकतन्त्रको पक्षमा चेतना फैलाउने र आन्दोलनको नेतृत्व गर्ने महत्वपूर्ण भूमिका निर्वाह गरेको स्मरण गरिएको छ।

खड्काले वर्तमान सरकार, जसको नेतृत्व वालेन्द्र शाह ले गरिरहेको छ, त्यसले विद्यार्थी संगठन र स्ववियु खारेज गर्ने निर्णय गर्नु लोकतान्त्रिक मूल्य विपरीत कदमका रूपमा बुझिएको उल्लेख गरेका छन्। उनका अनुसार यस्तो निर्णयले लोकतन्त्रको आधार मानिने विद्यार्थी आन्दोलनलाई कमजोर पार्ने जोखिम देखिन्छ।