ओली पक्राउको विरोधमा एमाले आन्दोलित, ७७ जिल्लाबाट सरकारलाई विरोधपत्र

काठमाडौं । केपी शर्मा ओलीको पक्राउको विरोधमा नेपाल कम्युनिष्ट पार्टी (एमाले)ले देशव्यापी आन्दोलन चर्काउने घोषणा गरेको छ।

शनिबार बसेको पार्टी सचिवालय बैठकको निर्णयअनुसार आज ७७ वटै जिल्ला प्रशासन कार्यालयमार्फत सरकारलाई विरोधपत्र पठाइने भएको हो। पार्टीले अध्यक्ष तथा पूर्वप्रधानमन्त्री ओली र तत्कालीन गृहमन्त्री रमेश लेखकको गिरफ्तारी गैरकानूनी भएको निष्कर्ष निकालेको छ।

पार्टी केन्द्रीय कार्यालय च्यासलमा सम्पन्न बैठकले ओलीको गिरफ्तारीले संविधान, मानव अधिकार र लोकतान्त्रिक मूल्य–मान्यताको उल्लंघन गरेको ठहर गरेको छ। एमालेले यस कदमविरुद्ध थप सशक्त आन्दोलन गर्ने चेतावनी समेत दिएको छ।