ओली र लेखकलाई सरकारले गलत ढंगले पक्राउ गरेको काँग्रेसको निष्कर्ष

काठमाडौँ । नेपाली काँग्रेसले पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई सरकारले गलत ढंगले पक्राउ गरेको निष्कर्ष निकालेको छ ।

शनिबार बसेको पार्टीको बैठकले विज्ञप्ति जारी गर्दै यस्तो निष्कर्ष निकालेको हो । भदौ २३ र २४ गतेको घटनालाई निष्पक्ष ढंगले टुङ्ग्याउनु भन्दा पनि सरकारले थप राजनीति गर्न खोजेको देखिएको बताइएको छ ।

विज्ञप्तिमा भनिएको छ, ‘आयोगले सिफारिस गरेका व्यक्ति र निकायमध्ये सुरक्षा संयन्त्रका हकमा अध्ययन समिति गठन गरी सो बमोजिम गर्ने तर अन्यमा हकमा तत्काल कार्यान्वयन गर्ने भन्ने किसिमको निर्णय गर्नु र हतारमा पक्राउ गर्नुले भाद्र २३ को एउटै घटना, एउटै छानबिन प्रतिवेदन र एकै किसिमको सिफारिसमा पनि सरकारको व्यबहार “सेलेक्टिभ” भएको देखिन्छ ।’