भरतपुर महानगरले उत्कृष्ट साहित्यिक कृतिलाई ५० हजार राशीसहित पुरस्कृत गर्ने

चितवन  । भरतपुर महानगरले स्थापना गरेको प्रज्ञाप्रतिष्ठानले उत्कृष्ट साहित्यिक कृतिलाई पुरस्कृत गर्ने भएको छ ।

प्रज्ञाप्रतिष्ठानका अनुसार भरतपुर महानगरपालिका वा चितवन जिल्लालाई आधार बनाई यहाँको भाषासाहित्य, कलासंस्कृति, ऐतिहासिक, पुरातात्विक क्षेत्रमा खोज, अनुसन्धान, अन्वेषण गरी प्रकाशित भएका र उत्कृष्ट ठहरिएका मौलिक कृतिलाई पुरस्कृत गर्न लागेको हो ।
पुरस्कारको राशी ५० हजार ७८ रुपैयाँसहित एक जनालाई चित्रवन प्रज्ञा पुरस्कार प्रदान गरिने जनाइएको छ । उक्त पुरस्कारका लागि नेपालभरका जो कोही स्रष्टाले सहभागी हुन पाउने जनाइएको छ ।