दिल्लीमा उच्च वायु प्रदूषण, एक साता स्कुल बन्द

एजेन्सी । भारतको राजधानी नयाँदिल्लीमा वायु प्रदूषण उच्च तहमा पुगेको छ । उत्तर भारतमा पराल जलाउँदा दिल्लीमा प्रदूषण उच्च भएको हो । 

पछिल्लो सात दिनमा दिल्लीको वायु जहरिलो बनेको छ । सोमबार बिहान दिल्लीको एयर क्वालिटी इन्डेक्स ५०० को करीब पुगेको छ । 

भारतको केन्द्र सरकारले वायु प्रदूषण नियन्त्रण योजना लागू गरेको छ । दिल्लीमा प्रदूषण फैलाउने ट्रकलाई प्रवेश निषेध गरिएको छ । 

वायु प्रदूषणका कारण नयाँदिल्लीमा थप एक साता स्कुल बन्द हुने भएका छन् । महानगरको प्रदूषणको स्तरमा सुधारको कुनै सङ्केत नदेखिएपछि अधिकारीहरूले स्कुल बन्दको अवधि बढाएका हुन् । 

 नयाँदिल्लीलाई संसारको सबैभन्दा धेरै प्रदूषित सहरमध्ये एक मानिन्छ । यहाँको वार्षिक धुवाँ प्रत्येक वर्ष सयौँ/हजारौँ मानिसको अकाल मृत्युको कारण बन्ने गर्छ ।