बागमती प्रदेशमा ८ वटा शीत भण्डार निर्माण

काठमाडौं । बागमती प्रदेश सरकारले प्रदेशका विभिन्न जिल्लामा आठवटा शीत भण्डार निर्माण गरेको छ । कृषि तथा पशुपक्षी विकास मन्त्रालय अन्र्तगत शीतभण्डार निर्माण गरीएको हो । दुईवटा शीत भण्डार निर्माणको क्रममा छन् । कृषि उत्पादनका दृष्टिकोणले उत्कृष्ट रहेको यो प्रदेशभित्र ठूलो लगानीमा धेरै क्षमताका शीत भण्डार निर्माण गरिएका हुन् ।

मन्त्रालयले चितवनको सिमलटाँडीमा एक हजार पाँच सय मेट्रिक टन क्षमताको शीत भण्डार १३ करोड रुपैयाँको लागतमा निर्माण गरीएको जनाएको छ । धादिङको चरौदीमा सोही क्षमताको उत्तिकै लागतमा शीतभण्डार निर्माण गरिएको छ ।

यस्तै, रसुवाको कालिकास्थलमा चार करोड रुपैयाँको लागतमा ३ सय मेट्रिक टन क्षमताको, दोलखाको जिरीमा ५ करोड रुपैयाँको ५ सय मेट्रिक टन क्षमताको, रामेछापको मन्थलीमा ५ करोड रुपैयाँको लागतमा ५ सय मेट्रिक टन क्षमताको र सिन्धुपाल्चोकको इन्द्रावतीमा ५ करोड रुपैयाँको लागतमा ५ सय मेट्रिक टन क्षमताको शीत भण्डार निर्माण गरिएको छ ।

मन्त्रालयका अनुसार ती सबै शीत भण्डार साउनभित्र सम्बन्धित स्थानीय तहलाई हस्तान्तरण गर्ने बताईएको छ । नुवाकोटको बेलकोट र विदुरमा रु २०/२० करोडको लागतमा ५/५ हजार मेट्रिक टनका दुई शीत भण्डार निर्माणको क्रममा छन् ।

काभ्रेको आलु शीत भण्डारको अभावमा कपिलवस्तु पु¥याउनु पर्ने बाध्यता थियो । अहिले त्यो बाध्यता हटेको छ । तरकारी र फलफूल बिक्री नभएर सडकमा फाल्ने तथा लागतभन्दा सस्तोमा बिक्री गर्नुपर्ने बाध्यता थियो । शीत भण्डार निर्माण पछि सबै समस्यता सामधान हुने मन्त्रालयले जनाएको छ ।