चितवनमा विकास निर्माणको अनुगमन गर्दै भौतिक पूर्वाधार मन्त्री श्रेष्ठ

चितवन । उपप्रधान एवं  भौतिक पूर्वाधार तथा यातायातमन्त्री नारायणकाजी श्रेष्ठले विकास निर्माणका काम समयमा सम्पन्न गर्न निर्देशन दिँदै आएका छन् । सडक डिभिजन कार्यालय चितवनको  निरीक्षण अनुगमनपछि उनले विकास निर्माण आयोजनाको गुणस्तरीयतामा  ध्यान दिन आग्रह गरे । 

चितवनमा  निर्माण भइरहेको विकास आयोजनाको निरीक्षण तथा विभिन्न कार्यक्रममा सहभागी हुन आ्एका मन्त्री  श्रेष्ठले सोमबार साँझ सडक डिभिजन कार्यालयको निरीक्षण गरेका थिए ।

उनले  यहाँ सञ्चालित आयोजना छिटोभन्दा छिटो  मापदण्ड पालना गरी गुणस्तरसहित  सम्पन्न गर्न सडक डिभिजन कार्यालयका प्रमुखलाई निर्देशन दिए । चितवन देशकै केन्द्र भागमा पर्ने  भएकाले  यहाँबाट विकास निर्माणलाई तीव्रगतिमा अघि  बढाउन उनले निर्देशन दिए ।

उनले देशभरका योजना समयै सम्पन्न गराउन अनुगमन र निरीक्षणलाई आफूले  तीव्र बनाइने बताए । उपप्रधमन्त्री  श्रेष्ठले आज जिल्लाका विभिन्न आयोजनाको  निरीक्षण गर्ने कार्यक्रम रहेको छ ।