चितवन । भरतपुरमा निर्माण भईरहेको सार्वजनिक शौचालयको अनुगमन गरिएको छ । भरतपुर महानगरपालिका प्रमुख रेनु दाहालको नेतृत्वको टोलीले शौचालयलाई छिटोभन्दा छिटो सञ्चालनको लागि यसको वर्तमान अवस्थाबारे जानकारी लिन अनुगमन गरेकी हुन् ।
महानगरपालिकाको लगानीमा भरतपुरको गोन्द्राङ, भरतपुर अस्पताल परिसर र भरतपुर विमानस्थलचोकमा शौचालयहरु निर्माणधिन अवस्थामा छन् । अनुगमनका क्रममा शौचालय निर्माणमा ढिलासुस्ती भएको पाइएको छ ।
२ वर्ष अघि निर्माणका लागि ठेक्का सम्झौता भएका यी शौचालयहरुको निर्माण सम्पन्न गर्ने अवधिमा नबनेको पाइएको महानगर प्रमुख रेनु दाहालले बताईन् । महानगरपालिको मुख्य भीडभाड हुने स्थानमा यथाशिघ्र निर्माण सम्पन्न गरि सार्वजनिक शौचालय सञ्चालनमा ल्याउन निर्देशन दिएकी छिन् ।
भरतपुर महानगरपालिकाका प्रमुख प्रशासकिय अधिकृत रामबन्धु सुवेदीले सम्झौता अनुसार काम नगरेका ठेकदार वा निर्माण कम्पनीलाई आवश्यक नियम अनुसार कारबाही अगाडि बढाइने जानकारी दिए । निर्माण कम्पनीलाई कालोसूचीमा राख्ने गरी कारबाही प्रकृया अघि बढाई नयाँ कम्पनीलाई बाँकी निर्माणको कार्य दिने प्रमुख प्रशासकिय अधिकृत सुवेदीले बताए ।
भरतपुर महानगरपालिकासँग सम्झौता भई निर्माण भएका कामहरु सम्पन्न नगरी निर्माण कम्पनीहरु सम्पर्क विहिन छन् । यसले गर्दा लक्ष्यअनुसार काम गर्न कठिन भएको महानगरपालिकाले जनाएको छ ।
प्रतिक्रिया दिनुहोस
सफल खबर संवाददाता
बुधबार, ०१ असार २०७९, ०७ : ५४
लेखकबाट थप
सम्बन्धित समाचारहरु
भरतपुर महानगरद्वारा विज्ञापन कर नतिर्ने बिदेशी कम्पनीका होडिङ बोर्ड हटाउन सुरु
चितवनमा विषादी प्रयोगबारे किसानलाई सचेतना
भरतपुरमा वैशाखदेखि मेयर कप फुटबल हुने, मुख्य प्रायोजनमा सेन्ट्रल कलेज
भूकम्प पीडितलाई भरतपुर महानगरको एक करोड सहयोग
भरतपुर हेल्थ हबको रूपमा बिकास हुँदै गएको छ: प्रधानमन्त्री प्रचण्ड
भरतपुर महानगर प्रमुख दाहाललाई बेलायत जान मन्त्रिपरिषद्ले दियो अनुमति