भरतपुर महानगर अपडेट : रेनु दाहाललाई ५० मतले उछिन्दै विजय सुवेदीले लिए अग्रता, दुवै उम्मेदवार बिच तिब्र प्रतिष्पर्धा

चितवन । भरतपुर महानगरपालिकामा रेनु दाहाललाई ५० मतले पछि उछिन्दै एमाले उम्मेदवार विजय सुवेदीले अग्रता लिएका छन् । हाल सम्म ११३२८ मतको परिणाम आउदा एमालेका सुवेदीले ३९४४ मत प्राप्त गरेका छन् । भने रेनु दाहालले  ३८९४ मत प्राप्त गरेका छन् ।

दाहाल र सुवेदी बिच तिव्र प्रतिष्पर्धा देखिएको छ । सय मत गणनाको क्रममा कुनै बेला दाहालले अग्रता कायम गर्छिन् भने कुनै बेला सुवेदीले अग्रता हासिल गर्ने गरेका छन् । यस्तै काँग्रेसबाट बागी स्वतन्त्र उम्मेदवार जगन्नाथ पौडेलले १५७२  मत प्राप्त गरेका छन् ।

उपमेयरमा सत्तारुढ गठबन्धनका तर्फबाट चित्रसेन अधिकारीले ४४७६ मत प्राप्त गर्न सफल भएका छन् भने राप्रपा उम्मेदवार हिमला गुरुङले ३०७० मत प्राप्त गरेका छन् ।